ماما اسيا فيه حلم من زمااااااااااااان انا حلمته وحضرتك رفضتى تفسريه لانه كان وحش وانا هكتبو تاني مش عشان تفسرهولي عشان تفتكريه بس لان فيه حاجه حصلت اذهتلني وقد ايه ربنا كبيير
- حلمت انى راكبه الاسناسير مع صفاء صحبتي وواحده اعرفها هى مش صحبتى قوي اسمها رانيا فقالتلى رانيا انا عاجبنى قوي الفستان الاحمر اللى انتى لابساه ده فانا هعزمكم على حفلة هتبقىبليل فوافقنا فسبقت صحبتي ورحت بدري ولوحدي وكان فى الحلم عندي مقدره خارقه انى اقدر اتحكم فى الزمن فكل ما الاقى حد اتعور او اتاذى انا برجع بالزمن لورا وانقذه وهكذا وكأن القدر بقولى لو انتى انقذتي حد تاني انا هأزيكي فجأه لاقيت اسد هائج وشرس بيهجم على الناس فاستخبيت تحت الطربيزه فجاه لاقيته مسك طفله صغيرره عندها 8 سنين راح قتلها بطريقه وحشه جدا كأنه فرم دماغها وكان المنظر مرعب فاتحكمت بالزمن ورجعته وانقذت الطفله فالمشهد اتكرر تانى فاستخبيت تحت الطربيزه والاسد بيهجم على الناس فخفت يشوفنى فطلعت من تحتها فشافني وهجم عليه ومسكنى من ورايا وصحيت من النوم
- الحلم ده كان ليلة القدر 21 فى رمضان اللي فات وانا من ساعتها وانا بدعي ربنا انه ما يتحققش ويحفظنى .. المهم انا حاليا بدور على شغل فقدمت على شركه كنت المديره واحده ست منقبه وعزمتنى على حفله تبع الشركه فكنت هرورحه بس اللي حصل كالآتي :-
- اولا :- الست قعدت تشكر وتمدح فيه جدا .. زي ما حصل مع رانيا اللي فى الحلم اللي شكرت فى فستانى الاحمرثانيا :- عزمتنى على حفله تبع الشركه على بليل .. زي ما عزمتنى رانيا على الحفله اللى فى الحلمثالثا :- لاقيت ماما بتقولى ما تروحيش الحفلة دي انا مش مطمنه .. قلت ده اكيد وسوسه ام مش اكتر اى ام كده
ثالثا :- انا كنت ناويه اروح بدري الحفله عشان ما تاخرش ... زي ما سبقت صحبتى ورحت بدري
رابعا وده الاهم :- البنت اللى فى الحلم اسمها رانيا صح ؟؟؟؟ والست صاحبة الشركه اللى عزمتنى اسمها برده
( رانيــــــــا )
انا بعتزرلك ماما اسيا على الرغي بس والله انتى اول وحده فكرت انى احكيلها عشان انا مزهوله وعاجزه عن شكر ربنا ان وراني الحلم ده ونجاني عشان ينبهنى وانا كنت فاكره انه هيتحقق وهتإزي
اللهم لك الحمد والشكر لجلال وجهك وعظيم سلطانك
شكرا لاصغائك لي
المصدر: .:: منتديات الوليد ::. - من قسم: تفسير الاحلام
via مدونة الوليد http://forum.el-wlid.com/t494968.html
Aucun commentaire:
Enregistrer un commentaire