تفسير حلم ملابس وتاج

ملابس وتاج

حلمت انو كانت في بيتنا القديم وكان عندنا ضيوف من ضمنهم ولد عمتي عشان ملكتي في الليل على حبيبي وبعدين اتذكرت اني مخطوبه اصلا لولد عمتي اسمو بدر

بعد كذا عمي قالي البس ملابس كويسه عشان بدر والضيوف بيتغدو عندنا بعدين فتحت دوﻻب ملابسي .. لكن كنت البس الملابس وارجع اخلعها لانو مو عاجبني شي منهم لكن كنت ماسكه بلوزه عاجبتني جدا وكنت مقرره من البدايه البسها

بعدين كانو الضيوف بيدخلو غرفتي عشان الغداء * مع العلم انو عادة الغداء ما يكون في غرفتي * بعدين انا بسرعه خبيت نفسي في الحمام الله يكرمكم عشان ما ابغى بدر يشوفني * اتغير الحمام مو زي حمام بيتنا القديم لانو الحمام الي في الحلم فخخخم وجميل و وسيع جدا والوانه بنفسجي وذهبي *

بعدين شفت امه وقالتلي ما انظر فيها لانها بتقضي حاجتها الله يكرمكم وانا معاها في الحمام وبعد ما انتهت من قضاء الحاجه مدري كيف صرنا خارج الحمام بعدين اصريت عليها تجاوبني اذا بدر شافني او ﻻ وهي اكدت لي انو ماشافني

في اثناء حديثي معاها شفت على راسي تاج لونو ذهبي * ﻻ اعلم اذا كان مصنوع من الذهب او ﻻ لكن لونه ذهبي * ومرصع بالماس وشكلو مميز و جميل جدا بعدين لبست البلوزه الي كنت ماسكتها بيدي من اول

.....



في الحقيقه انا عزباء ولكن مرتبطه عاطفيا



وانا طالبه .. وليس لي اي علاقه مع بدر اكثر من انو ولد عمتي

المصدر: .:: منتديات الوليد ::. - من قسم: تفسير الاحلام

via مدونة الوليد http://forum.el-wlid.com/t494820.html