مشكلتى انى عاطفيه بعض الشئ طول عمرى متعلقه بإبن خالى اللى من فى نفس عمرى هو دايما كان معايا فى اشد واصعب مواقف حياتى كان جنبي ومساندنى لكن ولاننا لسه كنا بندرس قررنا نبعد ونكون اخوات واصحاب لان اللى حوالينا رافضين لكلامنا مع بعض علما بإن حدود علاقتنا لم تتعدى الكلام فى التليفون كأخوات بنحكى عن مشاكل حياتنا ودراستنا وبس حتى كلمة بحبك ماسمعتهاش منه ولا هو سمعها منى افترقنا فتره لكن حصلتلى ازمه شديده وتعبت جامد حسيت انى محتاجه له جدا فلجأت له وهو ماردنيش ابدا ولا زعلنى وكأنه كان منتظرنى ورجع التواصل بينا من جديد لكن الظروف حكمت علينا مانقدرش نكمل لان كنا ناويين على خوبه وبالفعل بدأ الكلام الرسمى بس اتوفى والده ومامته مش موجوده مسافره بره البلد والحياه اتلغبطت جدا وانا اتخرجت من جامعتى علما بإن دراسته هو سبع سنين وانا اربعه ومن كتر الضغط من اهلى على انى اعيش حياتى ومااعلقش نفسي بموضوع مافيش فيه امل نظرا لظروفه وهكذا قررنا نبعد للمرة التانيه ونشوف نصيبنا هيكون ايه ولانه عارف انى بتعب من الضغوط عليا وافقنى بس وعدته انى ماافكرش ارتبط غير لما ارجعله الاول واعرفه والفتره دى هو معتقل وانا اتقدملى ناس كتير بس مش عندى استعداد لا اشوف حد ولا اسمع اى حاجة من حد واهلى زعلانين منى بسبب تصرفاتى وكل شويه يقولوا انهم عاوزين يفرحوا بيا بس انا مش هااقدر افرح من غيره ومااقدرش اعمل فيه حاجة زى دى هما شافين انى هاانتظره كتير وهتواجهنى معاه صعوبات ومسؤليات لكن انا مش بإيدى مشاعرى متحكمه فيا وقلبي وعقلي معاه هو حد يقولى ايه اللى انا فيه ده واعمل ايه انا كنت حاسه انه امانى حمايتى حتى واحنا مفترقين بنكون متطمنين على بعض وعارفين اخبار بعض بحكم صلة القرابه لكن دلوقتى ومن ساعة اللى حصله وانا مش عارفه افهم فيا ايه ومش حاسه غير بوجع جوايا وبس
المصدر: .:: منتديات الوليد ::. - من قسم: بريد الوليد لهموم الاعضاء
via مدونة الوليد http://forum.el-wlid.com/t494812.html
Aucun commentaire:
Enregistrer un commentaire