تفسير حلم يارب خير ان شاء الله

يارب خير ان شاء الله

السلام عليكم ورحمة الله....

لو سمحتي ساعديني و بشريني لاني محتاجة بجد

امبارح دعيت ربنا انه يرزقني رؤية صالحة غير كاذبة

صحيت علي ان زوجي باعتلي بيقولي انه شاف المنام دة قبل الفجر ب 5 دقايق

انه لابس بدلة ظابط جيش و معلق نجمتين..ملازم اول يعني و ماشي بيها في الشارع..

..و انهم كانو قاعدين بيتنده اساميهم عشان نجحو يعني في الجيش..

واحد دخل و قاله شوف اسم ابني كده في اللستة اللي معاك.. قاله لا مش موجود خلاص دوول بس اللي اتنده اساميهم..



و انه قابل واحد مايعرفوش في الشارع بس ندهلو باسمو..و قالي انا كذا مش فاكر الاسم اوي..باين عمرو و قالو انا دكتور عيون في المستشفى دي..

و كان شايل اكياس عيش (فينو) تقريبا..و تلاتة او اتنين مش متأكد..

و ادى واحد لاخوه تقريبا قاله طلعه معاك..

بس و كمل مشي في الشارع..



قابل اخوه اسمه محمود و كان واقف قدام البيت..و بيقولو اناهواخد نت من جارنا في الدور الرابع 

بس و دخل على والده و والدته و سلم عليهم و ماكنوش واخدين بالهم من البدلة..

الظاهر كده كان مقدم اعلى حاجة زي كده و نجح فيها (في الحلم) طبعا 

بس و سلموا عليه و ربنا يباركلك و كده.. و تقريبا اليوم ده كان فيه فرح واحد صاحبه متزوج اصلا (اسامة) غالبا 



انا بدعي ربي بالذرية الصالحة.. ادعيلي الله يخليكي و ان زوجي يترقي بعمله

معلش هو طويل بس يارب يكون خير... و يجعله بميزان حسناتك

المصدر: .:: منتديات الوليد ::. - من قسم: تفسير الاحلام

via مدونة الوليد http://ift.tt/1lnbOdu