فى يوم

فى يوم

فى يوم

فى يوم من الأيام قرأت جملة وهى

(إن جاء الليل ولم تستطع ان تصلى القيام فعلى الأقل كن ذاكرا لله)

فمن ساعتها لما يجى الليل واحس انى نفسى اقوم اصلى و النوم هيغلبنى او الكسل وان نفسى الأمارة بالسوء هى اللى هتفوز عليا اقوم اتذكر الجملة ديه اقوم اذكر ربنا واحيانا ادعيه وبرتاح بعدها فجز من كتب تلك الجملة خيرا

وفى يوم قرأت

(أنت مهموم بالقرش والفرش والكرش ...

وسعد يهتز لموته العرش !



جعفر تقطعت بالسيوف أوصاله ...

وارتفع بالفرح تهليله وابتهاله !



تهاب الوضوء إذا برد الماء ...

وحنظلة غسل قتيلا في السماء !



تعصي حي على الفلاح ...

ومصعب بن عمير قدم صدره للرماح !



ما تهتز فيك ذرة ......

والموت يناديك في كل يوم مائة مرة !



والله لو أن في الخشب قلوب لصاحت ...

ولو أن للحجارة أرواح لناحت !



يحن المنبر للرسول الأزهر والنبي الأطهر

وأنت لا تحن ولاتئن ولا يضج بكاؤك ولا يرن !



ويحك خف ربك وراجع قلبك واذكر ذنبك !!!!)



(د/عائض القرني)

فابتديت ادور وابحث عن قصص الصحابة دول واعرف بالظبط ايه حكايتهم وطبعا مش هنسى أقولكم ان حياة الصحابة كانت مليئة بالحب الخالص لله يعنى اكيد هستفاد حاجة منهم وحتى و انا بكتب ده وببحث عرفت ان الحديث

"أصحابي كالنجوم بأيهم اقتديتم اهتديتم" انه لا يصح ، وقد حكم عليه العلماء بالضعف الشديد ، بل حكى بعضهم وضعه.

وممن ضعفه الإمام أحمد بن حنبل قال: (لا يصح هذا الحديث) وكذلك الإمام ابن عبد البر قال: ( هذا إسناد لا تقوم به حجة) والإمام ابن حزم قال: (هذه رواية ساقطة). وقال الشيخ الألباني: (موضوع). واتأكد من عدم صحة الحديث من موقع اسلام ويب

اكيد كتير هيقول دلؤتى لازمته ايه الرغى الكتير ده ايه اللى المفروض يوصلنا من اللى بكتبه ده هقول

باختصار شديد اللى عايز يتقال من الرغى ده كله انه اكتب وانشر مهما حسيت انه اللى بتكتبه ممكن يكون من وجهة نظرك لا يعنى قيمة فلا تدرى أى جملة أو أى مقال هتكتبه هيكون ليك زخر من الحسنات متعرفش اى جملة او مقال تكون ليك صدقة جارية دعوة جارية ليك كل ما حد يتذكر ما كتبته فيأخذ نصيحتك ويعمل بيها وكمان ما ينساش وهو بيعمل بيها ان يدعيلك بيها دعوة حلوة بس خد بالك واوعى تنسى انك تنشر الحاجة اللى تكون شاهدة ليك مش عليك باختصار شديد هو ده اللى قصد قوله

فاللهم اجمعنا جميعا على خير فى جنتك الفردوس الاعلى واجعلنا ممن ينادى عليهم اين المتحابين فى الله لى ولأهلى ولكم ولأمة محمد كلها يارب اللهم آآميييين يارب العالمين

المصدر: .:: منتديات الوليد ::. - من قسم: مواضيع اسلامية دينية

via مدونة الوليد http://forum.el-wlid.com/t496259.html