تفسير حلم عريس فى المنام

عريس فى المنام

السلام عليكم ,,,



انا حلمت انهم قالولى انه جايلى عريس فكنت عايزة اشوفه ,فشوفت ليه صورة و كان شعره طويل حبة و كان شكله حلو مقبول مش وحش و بعدين شوفته فى التلفزيون كما لو انه كان بيمثل فى مسلسل و قلت ايه ده ده مسلسل كليوباترا و بعدين بابا جيه بيقولى انه الشخص ده مش عجبه لانه مش مثقف زى ما كان هو عايزه و بعد كده لاقيت جيه بيتنا و قعد جنبى على كنبة بس كان قاصص شعره عادى و كان لابس بدلة لونها رمادى و قميص اسود على ما اظن و كرافته و كان لابس نضارة نظر و كان لازق فيا اوى و مش عارفة ابعد عنه و بيضحكلى و بعدين بابا وواحد صاحبه اسمه احمد فى الحقيقة كان قاعدين معانا فنظروله فبعد شوية عنى و انا ساعتها مكنتش عارفة اخد قرار بالموافقة عيه ولا لا



أنسة

الحالة الدينية : الحمد لله بقيم الليل و بقرأ القران و بطلب من ربنا يرزقنى الزوج الصالح و اللى بتمناه

و باحثة عن وظيفة

صاحب بابا فى المنام هو جار لينا و اسمه احمد

المصدر: .:: منتديات الوليد ::. - من قسم: تفسير الاحلام

via مدونة الوليد http://ift.tt/1zi2FIr