انا شوية تـــراب

انا شوية تـــراب

أنا شوية تراب

متبعترين ع الأرض

نفخ الإله فيهم

وقالّهم كونوا

فكانوا....

متمردين

على كل حاجة ف الحياة

ومصدّقين

إنهم هيعيشوا اطول زمن

وإن الكفن

مليان جيوب

وإننا

ممكن نخلّد بالحروب

وإن البقاء

بيبقي للأقوى

حتى لو قلبه قِدر

بالشر يستقوى

رغم إنْ أصلاً قوِّته

حبّة تراب

ممكن يطيروا ف الهوا

ويتبعتروا

ويادوب إلهنا يقولّهم:

كونوا......

فيتبدّلوا

ويبقوا بَشَر غيرنا

::

منى حواس

" من وحي اللحظة"

المصدر: .:: منتديات الوليد ::. - من قسم: مواضيع اسلامية دينية

via مدونة الوليد http://forum.el-wlid.com/t492449.html