هو حلم داخل حلم ,, رأيت جدتى المتوفية كأنها نايمة على كنبة عندنا فى البيت بنفس صورتها قبل متتوفى و بنفس الملابس بتاعتها (عباية سودا ) ,, وانا كأنى ركعت و وجهى بقى مواجهه لوجهها ,, مش فاكرة اوى اتكلمنا فى ايه , بس يتهيألى انى كنت عمالة ادعيلها و هى دعتلى بعدها و طبطبت على ضهرى اكتر من مرة , وطول الحلم عمالة ابكى عشانها لانى كنت عارفة انها ميتة بس هى جاية تزورنى ساعة ,, وبعدين كأنى صحيت من الحلم و قلت لوالدتى انى شفت مامتها فى الحلم وعن اللى حصل , ف امى سألتنى : هل انا شفتها بسن صغير حوالى 30 سنة ,, قلتلها لا انا شفتها فى سن كبير عادى ,, وكنت ببكى برده وانا بتكلم مع امى ,, وكنت حاسة جوايا ان جدتى خصتنى بالزيارة لانها بتحبنى اكتر واحدة فى احفادها
المصدر: .:: منتديات الوليد ::. - من قسم: تفسير الاحلام
via مدونة الوليد http://ift.tt/1bh3EsQ
Aucun commentaire:
Enregistrer un commentaire