تفسير حلم الصراصير فى شعرى

الصراصير فى شعرى

دول احلام كلهم جم فى تسلسل مع بعض وبجد مخضوضه اوى منهم

اول حلم انى كنت نازله وولبست طقم حلو اوى وكنت بشعرى وقولت لماما انا هنزل مره واحده بس من غير اسدال وكده وهى وافقت بس انا كنت واقفه قدام المرآه وكان اللبس حلو وساترنى بس قولت لا مش هقدر انزل كده بس كنت فرحانه بشكلى ولبسى كان حلو بصيت فى المرآه تانى على شعرى لقيت 3 صراصير خفت اوى ونزلتهم من شعرى معرفش راحو فين وفيه بقعه صغيره جدا وكانت عالشميز الى لابساه نقطه كده ورحت وقفت قدام المرايه ومسكت مشط وبسرح شعرى علشان لو فيه حاجه تانى تقع وبرده حلمت انى لقيت صرصار فى البيت شكله غريب وانا عايزه اقتله مش عارفه واختفى

وحلم تانى اخويا طلع بيشرب مخدرات وبابا ضربه جامد وبهدله وضرب ماما كمان وانا حوشت بابا عن ماما ودخلت اوضتى اخبى الموبايل من بابا وخبيته فعلا وبابا مشفهوش ومعرفش كان معايا زى ورقه معرفش بتاعت ايه ودخلت المطبخ وحرقتها ورمتها وكان في نار عليها طفتها وبرده نمت وحلمت انى كنت بخبى موبايلى من بابا لان بابا كان جاى متعصب وايدى مكنتش عارفه احركها مكنتش عارفه اخبيه بس خبيته فى الاخر وكان فيه عالارض شرابات رجالى بتاعت بابا واخواتى بلمهم فى بعض وبابا دخل وحضنى بس حسيت كأن بيحضنى بخباثه وانا كنت بحضنه بحذر كده ومشى



انا مرتبطه بواحد و احوالنا اتصلحت كتير بينا الحمدلله وياريت لو الحلم فى شىء وحش عنه تعرفينى

هى اخته بس متضايقه منى لانها شايفه انى اخدت وقته كله

واخويا عايز يخطب وبابا عمال يماطل فى الموضوع وساعات بيكدب على اخويا

بابا شديد جدا جدا واقل حاجه يعمل منها مشكله كبيره

وانا اليومين دول مقصره فى العبادات بصراحه وعايزه ارجع تانى كويسه

المصدر: .:: منتديات الوليد ::. - من قسم: تفسير الاحلام

via مدونة الوليد http://forum.el-wlid.com/t499015.html