تفسير حلم الهنود الحمر

الهنود الحمر

السلام عليكم ورحمة الله وبركاتة







اليوم حلمت مدرسة غريبة اول مرة ادخلها ولكن الي داخل المدرسة بعضهم اعرفهم في الجامعة



والمدرسة هي موظفة امن في الجامعة وهي في الحقيقة تحاول تتقرب منى اسمها ريم

المهم في وسط الحصة دخلت بنت معها 4 اكواب زي ماتقولين هدايا و وزعتها ع 3 بنات

بقي كوب واحد احتارت من تعطية وبما انها قريبة من طاولتى عطتني اياة باسلوب وقح

وانا زعلت وقلت لها (اعصابك او احترمى نفسك) مو متذكرة الكلمة بالضبط بس انى تنرفزت

الاكواب كان لونها ابيض ولما حطتها ع طاولتي تغير شكلها ولونها

صارت بيضاوية ولونها شفاف وبني

والمدرسة شافت الموقف وراحت للبنت وتكلمت معها برا الفصل ثم رجعت وقالت ان البنت ندمانة وتعتذر منك وماكان قصدها

انا سكت ومارديت عليها





فجأة صار كاني طالعة مدري من بيت كبير او شي المهم معاي شيخ من شيوخ الامارات تحديدا 2 من ابناء الشيخ محمد بن راشد

الاول حمدان بن راشد والثاني مدري ماركزت فية



كنت في ناس عطونى عباتي لاني بطلع و قال الشيخ ولد محمد بن راشد عنك واخذ عباتي ويمشي وراي في منطقة غريبة

جبلية وفيها هنود حمر وشفت الشيخ حمدان متكى ع جبل وبين الشجر وشايل بنت لابسة فستان ابيض وقبعة

وحنا طالعين مرتفع بسيط وخايفين من الهنود الحمر والشيخ الي كان وراي صار قدامي وفي تكتلات من الهنود الحمر في نص الجبل

وفي برحات بعيدة وهم يعزفون ويرقصون رقصتهم المعروفة وحنا نبي نتخبى منهم وبعد ماطلعنا الطلعة البسيطة لقينا بيت ع جهه اليمين

دخلناة وكان في غرف كثيرة وفيها ناس نايمين وانا كنت ادور ابي من بينهم وكان اغلبهم عبيد

كان في طفل وصدمتة سيارة وقامت امة من النوم وراحت تحضنة وتبكي وبعدين مسكونى مع ناس ثانين وخلونا نوقف بصف افقي

وانا ميتة خوف قالو يلا غنو لنا ونسامحكم ولا نسوي لكم شي

وانا كنت خايفة وكنت شاكة في مصداقيتهم ..بس غنينا اغنية

(جنة جنة جنة .. والله يا وطنّا جنة جنة جنة والله يا وطنّا يا وطن يا حبيّب يابو تراب الطيب )




بس انا ماقدرت اكملها وبكييت مثل الاطفال















عزباء - طالبة جامعية

المصدر: .:: منتديات الوليد ::. - من قسم: تفسير الاحلام

via مدونة الوليد http://ift.tt/1tOFJv6