شعر عتاب وفراق 2014

شعر عتاب وفراق 2014

لاتـنـصـدم لاقـلـت انـا اليوم مابيك

الـقـلـب عافك وانتهى اليوم دورك

اعميتني بحبك عسى الله يعميك

ورمـيـتـنـي يـازيـن باعمق بحورك

يــالله تـوكـل لاتـجـيـنـي ولاجـيـك

يـالله حـبـيـبـي قـوم رتـب امــورك

.. .. .. .. .. .. ..



بعد الخيانه انتهت رغبتي فيك

وان كنت تذكرنا ترانا نـسـيـاك

يشهد علي الله لاحل طـاريك

يروق قلبي لكن أذكر سواياك



.. .. .. .. .. .. ..



لا صار وقتك هنا ومتوسع(ن) صدرك

أشوف عني تصد ما تلتفت فيني

ولا صار وقتك ملل وضايق(ن) خلقك

تنسى جميع البشر وتتصل فيني



.. .. .. .. .. .. ..



طبعك تغير ومالقينا له أسباب

ولاني مقصر فيك ولاني بحافي

كنك على فرقاي تفتح لي باب

اقسى علي وماجرى منك كافي



.. .. .. .. .. .. ..



مابيني وبينك مـشاريـه وعـتـاب

شف دربك اللي جيـت منه تدله

مـاراح تـغـلـبـنـي لو الحب غلاب

من حـضـرتك عشان قلبي تذله

كـنـت الـقـريب وكـلـهـم أغـراب

حتى القمر لاغاب شفتك محله

رح واعتبرنـي واحـد أذنب وتاب

مـانـي بثوب تلبسه ثـم تـمـلـه



.. .. .. .. .. .. ..



خلك مع الي بالكذب دوم يعطيك

وانا ترى بلقى ملايين تسواك

لاتحسب اني برخص النفس واجيك

ما أذل نفسي لمثلك وشرواك

يحرم علي وصلك وقربك ولا أجيك

العيد عيدين وثالثهم فراقك



.. .. .. .. .. .. ..



تكفين خلي مفارقنا

على بالك!

لاتحسبين الحياة

المقبله زينه..!

الي اشوفه تعب

وجروح بوصالك

وشلون باكر طريق

الحب تمشينه..!



.. .. .. .. .. .. ..



مــادريــت إن الـــفــراق أكــبر

"خطيه"

واللقا يقضي على كل الخطايا!!

فــي حــضــورك عــيــني بــشـوفــك

"ثــريــة"

وفي غيابك مابقى فيني بقايا!!

صــاحــبــي...وانت شـــفت طيـــبي لك

"هديـه"

وش شعورك دام كلــــي لك

هــــدايـــا!!



.. .. .. .. .. .. ..



لاتكثر بحكيك ترى دربك اشواك

ياحفي الرجلين ثمن كلامك

واذكر زمان اول وايام بلواك

من سنعك للناس وعدل مقامك

لايفلت إلسانك على شخص رباك

انا بنيتك وماني عاجز اهدمك



.. .. .. .. .. .. ..



أضحك وكني رايق البال خالي..

والناس تحسدني وأنا أموووت بسكاات..

أقضي نهاري بالمزح والتسالي..

وأسهر ليلي في هموم ومعانات..

غريبة هالدنيا على كل حالي..

الحزن دايم والفرح بس لحظات



.. .. .. .. .. .. ..



تنداس دنيا الحب

بتراب تنداس

وينداس قلب

ما وفى مع خويه



.. .. .. .. .. .. ..



اليوم قدرك مايسوى

ماطا الاقــــــدام

حبك بقلبي مــات

وأعلن رحيله



.. .. .. .. .. .. ..



عندي سؤال وخابرن فيه

تجريح !!

لكن ضروري

تسمعه بأنبساطي

أرفعك بيدي للسما

ترجع تطيح?

قلي شسوي فيك

لاصرت واطي



.. .. .. .. .. .. ..



إذا طبعك كذا ما أبيك..

بترضى وإلا مايرضيك..

نصيحة لاتزودها،،ترى أسويها،،وأخليك!!

أنا كلي أجي لاجيت..

( وأبيع الدنيا لي حبيت )

ولكن تدري وش عيبي؟؟

إذا صديت أنا،،صديت..



.. .. .. .. .. .. ..



ان كان غيري في غيابك يسليك

خـلـك مـعـه ولا تتركه الله يخليك

سـهـل إنـك تـنـساني لكن صعب

إنـك تمـحـيـنـي مـن قـلبك وبالك

لانـي ويـاك مـثـل الـقـلــب وروح

مـالـهـم غـنى عن بعض اذا مات

الـقـلـب تـمـوت مـعـاه الـــــروح



.. .. .. .. .. .. ..



كم لي وأنا أقابلك في النوم وأصحى بك..

وإن هلت دموع عيني أنت مبكيها!

كم جابني الشوق ملهوف على بابك..

وأنا أردع النفس في بعدك وأعزيها!

إن جيت للجد ماأقوى لحظة غيابك..

هذي حقيقة شعوري مقدر أخفيها!



.. .. .. .. .. .. ..



لحظه حبيبي وقف هناك بالدور..

مانيب فاضي يمكن افضي لك اشوي!!

لازم تذوق المر وتعيش مكسور..

واكويك من جمر الهوى لاغدى حي..

ولو بعتلي عمرك فلا قلت مشكور..

لانك بعيني صرت كلك ((ولاااا شي))!!



.. .. .. .. .. .. ..



لا ترجعلي ما ابي ذاك الغلا يعناد فعلا حبك

بس عندي كرامة..حاولت احبك بس ما قدرت

مو انت مطلبي مطلبي حب يرفع الراااس



.. .. .. .. .. .. ..



لا حشى ما اندم دقيقة داام انا في حبي وفيت

يعتبرة حبي خطااية يعتبرة انسان ماااات



.. .. .. .. .. .. ..



دااام ما همك بعادي ليش يهمني وجودك؟؟

صرت عندي شخص عااادي

صرت متعمد صدودك!!!



.. .. .. .. .. .. ..



جرحتني جرح مو مثل

الجروح يجوز يشفى

الجرح بس الأثر مايروووح...



.. .. .. .. .. .. ..



أكيد أنا بنساك يوم من الأيام

بس متى؟؟؟

يوم البشر عند القبر يدفنوني



.. .. .. .. .. .. ..



اجرح مدام الجرح فيني يسليك

اجرح عساك أنت السبب في

"وفاتي "



.. .. .. .. .. .. ..



إذا هان عليك ايام من غير سماع صوتي

بيهون عليك الحال لين تسمع خبر موتي



.. .. .. .. .. .. ..



عزاه صرنا نلتقي مثل الأغراب..

عقب الغلا كلن بوجه يصدي..

من عقب ماحنا عزيزين وأصحاب..

اليوم كلن صد قصده تحدي..

لكن يطول الوقت وتعرف الأسباب..

تندم على وقتن مضى كنت ضدي..!!



.. .. .. .. .. .. ..



هذي هي الدنيا متاهات وأحزان

كلن يــــــدور راحته ما لقاهـــا

تبي لها صبر مع شوي نسيــــان

مع ضحكة تخفي دموعك وراهـا..!!








شعر عتاب وفراق 2014







الصمت يكفي ويشفي صدر راعيــه

لا صار كل الحكي ماله معانـــــــــي

والقلب ما عاد تعنيه المشا ريـــــه

و العين ماعاد تغريها الامانــــــــي

ياليت حزني مجرد دمع وابكيه

ماهوب عايش معي بين المحانـــي

ماهوب يظهر علي واحاول اخفيه

و تصير نظرات حزني هي لسانــي

مدري ذكرني زمان كنت ناسيـه

مدري ذكرت الزمان اللي نسانــي

｡o ωஐ ஐωo｡



سهيت لحظه وقمت ابحث بجوالي

اقرا الرسايل وامسح مابقى منها

لقيت ذكرى رساله والرقم غالي

مكتوب فيها اذا انا مت فامسحها

فكرت فيك ولقيتك عايش وسالي

وماظن ياصاحبي في يوم تذكرها

الموت عندي يساوي غيابك الحالي

والحين بستئذنك يازين وامسحها

｡o ωஐ ஐωo｡



قالوا: غريب وقلت:ويـن الغرابـه؟

مادام هذا المجتمع كلـه اغـراب

｡o ωஐ ஐωo｡



ســافر وخـــل أحزاااان عمري تخــاويك..

يمكـــن معك تلقـــى حلــول لضيـــاعي..

حـــاولت أشـــوه صـــورتك..يوم أخلـــــيك..

لقيـــتك أصـــدق من بكــى في وداعــــــــي..!!

｡o ωஐ ஐωo｡



قلت : اصبري ، قالت : انا اقولك زين ؟

قلت : اتمنى ماتكوني بخيله

ضمت يديني .. قلت: توك تحنيــــــن

قالت يدينك بس ؟ هذي قليله

يوم احضنتني دمّعت ، قلت : تبكين

قالت : اظن الدمع (أصدق وسيله)

ردّت ، وقالت : وش عذاب المحبـــين

قلت : الغياب ! وفي عيونك دليله

｡o ωஐ ஐωo｡



الغنى والفقر حاجه بيد رب العالمين..

مؤمن بهذي العبااره.. بس ما انتي مؤمنه

أدري ان المال لبّى كل شيٍ ترغبين..

إلا انا واحد من الرغبات غير الممكنه

｡o ωஐ ஐωo｡



لو كبر ذنبك ترى قلبي كبير

واعترافك بالخطا يغفر خطاك

｡o ωஐ ஐωo｡



هم يحسبون المسأله كلها سلك

اذا انقطع تقطع معاه المسالك

ولا دروا اني بالاحساس ابادلك

مو شرط اشوفك واسألك كيف حالك

احس بك لو كنت ماني مقابلك

وتحس بي لو كنت ماني قبالك

دايم وفكري في حراوي منازلك

ان جا مجالك ولا ما جا مجالك

تدري وش اللي بس يقطع تواصلك؟

الموت بس الموت يقطع وصالك؟؟

｡o ωஐ ஐωo｡



معاني العشق لو تجمع وتهدى لك كما الباقة

حبيبي ما وفت قدرك ولا لبت طموحاتي

يا أطيـب قـلب قابلته أنا لك روح مشتاقة

تبي تجمع غنايم حبك ومصدر بطولات

أنا من يوم ما شفتك عيوني مالها طاقه

تبي ترسم لك ألوان ألمحبه والمسراتي

يا أجمل من سكن قلبي وضيّ العمر وإشراقه

احبك قلتها صادق وخطتها عبارتي

｡o ωஐ ஐωo｡



أصــبرحبيبي قبل ماترحل : تعاااال!

أبيك توعـــدني " تجيــني تجيـــني "











حتى إذا ظرفك عن الجيّات حال ..

" أكسر ظروفك ياغلا لجل عيني "

وابنتظرك أنا على كـل الأحوال ..

وابحتضن وردة غلانــا بيديني ..

｡o ωஐ ஐωo｡



أنا جريح الأمس واليوم والغد,,

وهاذي جروح العمر احصي عددها,,

لقيت أنا الدنيا ترى ملعنة جد,,

فيها الكلاب السود تأكل أسدها,,

صدقني غيرك انت ما اشوف انا احد,,

ومن ماتلد مثلك خسارة ولدها,,

｡o ωஐ ஐωo｡



أببتعد وأهجر شوارعك والبيت،،

قلة أدبكم عجلت بالنهاية

رح في طريق في دروبه تماديت،،

تحت الثرى شيعت نهاية عنايا

اقسم قسم لوشفتك بيوم حنيت،،

لأدوس قلبك بالقدم من قسايا

آخر سؤالي كان بالحق رديت،،

قلي بربك وش سبب هالسوايا

｡o ωஐ ஐωo｡



كرهني بنفسك لو بذنب صغير

ألقى به اعذاري وأعود لزماني

المشكله انه مابدى منك تقصير

وهذا يزود واقعك في كياني

｡o ωஐ ஐωo｡



محدن قدر يجيب اقصى دموعي

الا انت لامن غبت يسري بي الدمع

حتى طبوعك غيرت لي طبوعي

انت الغلا والحب والشوق والطبع

تبي مكانك؟ قم وطالع ضلوعي

حرام انك ماتفارق ولا ضلع!!

｡o ωஐ ஐωo｡



الا ياطفل..لا تكبر..كذا اجمل..كذا اطهر

كذا لا هم يتراكم..كذا لا ضغط لا سكر

ترى اكبر كذبه عشناها(يالله متى نكبر)

احلم قد ماتقدر..واذا خفت خب احلامك بدفتر

ترى الايام سراقه والا حلام تتبخر!!

｡o ωஐ ஐωo｡



انتعاش الورد في لحظة وصال

والذبول انواع والفرقا قهر

والنجوم اشكال في عرض الليال

والكواكب فوق واحلاها قمر

مستحيل انساك حتى بالخيال

وان نسيتك!!

حلم من بعد السهر..

｡o ωஐ ஐωo｡



تـسـلـم ـ يمـيـنك عـلى"الـطعـنااااات"صـحـتن ي,,,

مــاكـنـت ابـصـحى واشـوفـك زيـن لـــولاااهـــــا,,,

｡o ωஐ ஐωo｡



كان فيني عيب ..قلي فيك العيب الفلاني

كان هرجي مزعلك في شي ..قلي لاتعيده

جيت مابيك تحقرني ..جيت أبيك تعز شأني

جيت آبي فزعة ضلوعك من مشاعرك الفقيده

يعلم الله شفت منك ومن غيابك ماكفاني

كان ماتقدرتخفف هم قلبي..لاتزيده.

｡o ωஐ ஐωo｡



قولي تكبر قولي انسان مغرور

قولي علي اني عديم المعاني

قولي بعد ما عندي احساس وشعور

واني نسيتك وانت قلبك نساني

لا ما باعتذر منك ولو كنت معذور

ونعم معك بالذات لي طبع ثاني

ادري قهرتك بس انا كنت مقهور

ياحلم الماضي وغلطة زماني

｡o ωஐ ஐωo｡



أمداك تنسى الزعل وتقول سامحني

مـن بـعـد ذاك الخـطأ ودك تراضيني

أدمـيـت قـلبي بكـلمة ودمـعـت عيني

حـاسـب كـلامـك إذا ودك تحـاكـيـنـي

مـا بي أصـارح ولا ودي تـصـارحني

لـكـن إذا طـال صـمـتـي لا تـجـافـيـني

｡o ωஐ ஐωo｡



< واللــــــــــــه فقـــــــــــدتك >

ياأعز الأحبــــــــــــــاب..

عساك تسعد بالفرح والتهاني..

يقولها قلب عن الحب ماتاب..

واللي بقلبي لك يقوله لساني..

ماغيرتني دنيتي يا أوفى الأحباب ..

مخلص ولا لي بالبشر وجه ثانــــــي

｡o ωஐ ஐωo｡



عسى ماشر ياعمري؟

وش اللي طول غيابك؟!!

نسيت اني على صبري أذوق المر

بأسبابك

نسيت اني على صبري أموت بلحظه

وأحيابك

حبيبي يابعد عمري!!

طول غيابك وأنا مدري؟؟

أخاف انه نقص قدري عقب ماكثروا

أحبابك!

｡o ωஐ ஐωo｡



فمان الله ياحب ماكمل المشوار

عرفنا مفرق الدربين و لايحتاج تكميله

مالك نصيب في دنيتي ومالي نصيب في دنيتك

خلني اعيش بحسرتي وانت تهنى بدنيتك

ياترى الأيام تسمح والأقيك

والايكون آخر لقانا..رسايل

｡o ωஐ ஐωo｡



يبقـى الغـلا لوفرقتنــا المشاريـه

والشرهـة اللي بالخـواطـر تروحــي

كـل يعاتب بعض الاحيان غاليــه

والحـب يبقـى فـوق كل الجروحـي

الحب لوشانـت علينـا لياليـــه

نصبـر وفــى سـر الغـلا مانبوحي

طبع الوفـا بقلوبنـا مانخليـــه

يسري بروحه مثل ماهو بروحـــي

حبي على باله ولـوكنت جافيــه

وهو على بالي وحبـه طموحـــي

قلبي ولو صديت وابعدت بيديــه

وبنظـرتي شوق اللقا له وضوحــي

｡o ωஐ ஐωo｡



جايز غلطت وجايز انتـي غلطتـي

ماهو مهم الحين من كـان غلطـان

اللي مهـم الحيـن لامـن ذكرتـي

قصة غلانا فاذكرينـي بالاحسـان

هـذا قدرنـا مايفيـد أنك ندمـتـى

على الفراق أو صرت أنا يوم ندمان

اللي مهم الحين أبي لـو سمحتـى

ذكرك بخير لماضـيٍ بيننـا كـان

｡o ωஐ ஐωo｡

موضوع ذات علاقة :- شعر عتاب

المصدر: .:: منتديات الوليد ::. - من قسم: شعر poems و خواطر

via مدونة الوليد http://forum.el-wlid.com/t492973.html