لمست القلب لما لمستنى بايدك وخلتنى أعيش عالم ملهش حدود ولا يمكن تفرق بين قلوبنا سدود وعشت معاك نسيم الحب حبيتك وحسيتك وضميتك لقيتك انت لى الروح !! ******************* منين متروح حيفضل قلبى ليك عايش يا روح الروح نقشت على جدار قلبي حروف اسمك وغنيتك قصيدة شعر ورددتك كما الموال ومش كل اللي بينا اتقال بقايا الشعر جوايا وألحاني بدندنها على أوتار حروف اسمك وأشعاري بعيش فيها مع رسمك يا نسمة حب هبت والفؤاد حران يابلسم مالفرح حررني م الأحزان يا كاس من سلسبيل الجنة للعطشان معاك الدنيابتغنى وبتفرح وأنا هايمة في بحر هواك حبك في قلبي ألف أغنية نسجها القلب من روحي عشان يهديها للمحبوب صحيح موجك كتير عاتي ومية فرقتك مالحة لكن هافضل مابين موجك ومش ممكن عن الحب اللي غنيت له وغنالي يا بحر أتوب |
المصدر: .:: منتديات الوليد ::. - من قسم: شعر poems و خواطر
via مدونة الوليد http://ift.tt/1DunAWD
Aucun commentaire:
Enregistrer un commentaire