بتسأل
- : وحشتك ؟!
ومقدرتش انطق واجاوب عليك !!
سؤال والجواب كنت شايفهاه ف عنيه
وشايفاه في لهفة فؤادي
ورعشة اديا بتحضن إديه !!
وصوتي اللي حايشاه دموعي
اللي نزلت من الشوق إليه !!
- :بحبك
- : وحشتك ؟!
- : بحبك
ومش لا قية رد لسؤاله
تجاوب عليه النجوم اللي دبلت عيونها
لبكاها لحالي !!
ومين اللي يقدر يحس بعذابي ف بعاده
وعايشة بلملم في حلمي اللي بيضيع
تحت سطوة عناده !!
وعايشة مليش إلا طيفه
ومستنية لحظة رجوعه
بغمض عيوني
واشوفه ف منامي
وضحكته تسبح في روحي
تطيب جروحي وبتزيل الامي !!
عجيب الغرام لما يوهب رضاه للحبايب
وتصفا الليالي ويرجع حبيبي اللي غايب!!
- : وحشتك ؟!!
- : بحبك !!
- : وأيه كنت عامل ف بعدي ؟
- : بحبك
ويفرد علينا الغرام الستارة !!
يهلل في وسط النجوم القمر يحتفل بانتصارنا
وننسى انكسارنا
وأيه كان جرى لنا ؟!
عجيبة الليالي !!
أخيرا بتحضك !!
وتجري تصحي النهار تحضنه
تقوله حاسب عليهم ... حبايب
وجودي خلاص مش مناسب !!
أمانة تضلل عليهم !!
-: وحشتك ؟!
وكل الكلام اللي كان بين ضلوع القصايد بيجري
ويحضن اديه
وأرفع عنيه
واتوه جوه عالم عنيه
وأنسى الوجود اللي حاصر فؤادي
وكسرته بعنادي
وتسأل :
- وحشتك ؟!
ويضحك نهاري اللي فارد أمانه علينا
وتهرب همومي
وأفرح بيومي
وارتمى فى حضنك
واقولك : بحبك
بحبك
المصدر: .:: منتديات الوليد ::. - من قسم: شعر poems و خواطر
via مدونة الوليد http://ift.tt/1uz3n2t
Aucun commentaire:
Enregistrer un commentaire